Coşua Zirkzeenin son durumu ilə bağlı növbəti xəbər yayılıb.

“Mançester Yunayted”in futbolçusu premyer-liqanın “Nyukasl” ilə oyununda (1:4) sıradan çıxıb. Əvvəlcə onun bir neçə həftə yaşıl meydanlardan uzaq qalacağı açıqlanmışdı. Buna səbəb 23 yaşlı hücumçunun arxa bud əzələsindən aldığı zədədi. Artıq Coşuanın bu səbəbdən mövsümü erkən başa vurduğu bildirilib.

Niderlandlı futbolçu bu mövsüm “Mançester Yunayted”in heyətində 48 oyunda iştirak edib, 7 qol vurub və 3 məhsuldar ötürmə edib.