"Binəyə üç xal qazanmaq üçün yollanmışdıq. 90 dəqiqə ərzində üstün tərəf biz olduq. Təəssüf ki, təmiz qolumuz sayılmadı, penaltimiz verilmədi. Sonra deyirlər ki, Kənan Kərimov hakimlikdən danışır... 1-ci liqadakı bəzi hakimlərin hakimlikdən xəbəri yoxdu. Vəziyyət çox bərbaddı. Premyer-liqada VAR olduğu üçün ədalət təmsilçilərinin bəzi səhvlərini düzəltmək olur. Amma burda vəziyyət yaxşı deyil. Hakimlikdən danışanda deyirlər ki, hakim də insandı, səhv edə bilər. Mən yardım istəmirəm. Sadəcə, düzgün qərarlar verilsin. "Qəbələ" ilə oyunda başverənləri unutmamışıq... Komandamın gücünə inanıram. Qarşıda hələ 5 tur var. Mövqeyimizi qaytaracağımıza inanıram. Əsas odu ki, hər şey düzgün olsun. İndiyə qədər hakimlər üzündən o qədər xal itirmişik ki..."

"Maliyyə baxımından sıxıntımız yoxdu. Şahmar müəllim (klubun prezidenti Şahmar Vəliyev nəzərdə tutulur - red.) əməkhaqqı və mükafatları vaxtında ödəyir. Premyer-liqaya yüksəlsək, kluba əlavə maliyyə ayıracaq".