“Hamısı ədalətsiz qərarlardı. Oyun noyabrın 28-də keçirildiyi halda, 27-si yazıblar. Tarix belə yalnışdı. Bizi hərtərəfli əzməyə çalışırlar. Əvvəl 3 xalı, liderliyi əlimizdən adılar. İndi də mənə, köməkçimə, aparıcı futbolçularıma ağır cəzalar verildi. Əsas səbəbkar isə qıraqda qalıb. Tural Qurbanov qeyri-peşəkar hakimdi. Qarşısında diz çökən, ədalət istəyən, imdad diləyən futbolçunu belə cəzalandırır. Onun hakimlikdən xəbəri yoxdu. Başa düşmürəm, AFFA mərkəzi oyuna, liderlərin qarşılaşmasına necə belə hakimlikdən anlayışı olmayan hakim göndərə bilər? Gördülər ki, “Qəbələ” cərimə meydançamıza yaxınlaşa bilmir. Bu dəfə də haqsızlıq etdilər, əleyhimizə qərar verib rəqibin qol vurmasına şərait yaratdılar. Biz heç kimə hədə-qorxu gəlməmişik. “Qəbələ”ylə işimiz olmayıb. Oyun bitəndən sonra yaxınlaşıb rəqibi təbrik etdik və paltardəyişmə otağına yollandıq. Əvvəl “Qəbələ”nin baş məşqçisi öz otaqlarının qapısını açıb təhqirlər səsləndirməyə başladı. Bizi təxribata çəkdi. Bundan sonra vəziyyət dəyişdi. Bizim etirazımız baş hakimlə bağlıdı. Futbolçularım da heç kimi təqhir etməyib. Hakimə də, sadəcə, irad bildirmişik. Etiraz etmişik”.