“Komandamız ötən il premyer-liqada olmadığı üçün akademiyamız yox idi. Əvəzedici komandamızla U-19 eynidi. Çempionatın başlamağına 10 gün qalmış toplanışa start verdik. Akademiya olmadığından klubsuz futbolçuları komandaya cəlb etdik. Birinci dövrədən sonra əvəzedici heyətdən 12 futbolçu komandadan çıxarıldı, əvəzində iki futbolçu gətirildi. 2006/07 təvəllüd uşaqlar U-19, 2005/06 təvəllüd uşaqlar isə əvəzedici komandamızdadı. Qışdan sonra keçirdiyimiz səkkiz oyunun yeddisini udduq, “Qarabağ”a uduzduq. Əvəzedici komandamız son turlarda “Zirə 2”ni 5:2 məğlub etdi, “Neftçi 2” ilə heç-heçə etdi. 0:10 uduzmağın səbəbinə gəlincə, əvəzedici komandanın oyunları ya bazar ertəsi olur, ya da çərşənbə axşamı. Futbolçularımızın çoxu tələbə və şagirddi. Universitetdə, məktəbdə problem olur. Tələbələr hamısı limitdədi, gələ bilmir oyunlara. Əsas futbolçuların olmaması, əlbəttə, nəticəyə təsir edir. Süni meydança da bizə problem yaradır. “Sumqayıt”la oyunda güclü yağış və külək var idi. Üç futbolçumuz zədələndi. PFL-ə müraciət etdim ki, oyun indi olmasın, qəbul etmədilər. Əsas nəticələr deyil, futbolçularımın gələcəyidi. Rəqib hər imkanı qola çevirirdi. Faciə etmək olmaz. Bizim devizimiz futbolçuların əsas komandada oynamasıdı. Yenə “Sumqayıt”la oynasaq, bəlkə də biz udarıq”.