“Sabah” əvəzedici komandanı bərpa edəcək
Növbəti mövsümdən əvəzedicilərin çempionatı yenidən bərpa olnacaq. Yola saldığımız “futbol ili”ndə isə 1-ci divizionda elita təmsilçilərindən yalnız "Sabah"ın əvəzediciləri iştirak etmədi.
"Fpşootball-plus.az" xəbər verir ki, klub rəhbərliyi əsas diqqəti U-19-a və akademiyanın digər aşağı yaş qrupları üzrə komandalarına yönəltdi.
Son mövsümdə 1-ci divizionda iştirak etməmək kluba nə qazandırdı? “Sabah-2”ni yenidən əvəzedicilərin çempionatında görəcəyik? Bu suallara cavab tapmaq üçün "bayquşlar"ın Müşahidə Şurasının üzvü, eyni zamanda U-19-a rəhbərlik edən İqor Ponomaryovla əlaqə saxladıq:
"Son mövsümdə əvəzedici komandaya ehtiyac duymadıq. Bu addımı saf-çürük etsək, xeyrimizin daha çox olduğunu düşünürəm. Çünki "Sabah-2"nin bütün, U-19-un isə bəzi oyunçuları futbolsuz, praktikasız qalmadı. Kamran Quliyev "Şamaxı"da, Abdulla Rzayev "Kəpəz"də sabit oynadı. Latviyaya icarəyə göndərdiyimiz uşaqlar oldu. Əsas komandaya futbolçular cəlb etdik, gənc qolkiper Rüstəm Samiqulin şans qazandı. Yəni əvəzedici komandamızın yoxluğu oyunçularımızın inkişafına sədd olmadı. Düşünürəm ki, bu mövsüm gənc futbolçularımız üçün uğurlu oldu. Növbəti mövsümdən əvəzedicilərin çempionatı ayrı keçiriləcəyindən biz də komandanı bərpa edəcəyik. Bundan qazanclarımızın nə olacağını isə indidən demək çətindi".
ABDULLA İSMAYILOĞLU
Digər xəbərlər
