16 yaşlı futbolçu öldü...

Rusiya futbolunda bədbəxt hadisə baş verib. Yeniyetmə futbolçu ölüb.

"Football-plus.az" xəbər verir ki, “Rotor”un yetirməsi Maksim Semyonov 16 yaşında dünyasını dəyişib. Klubun mətbuat xidmətinin məlumatına görə, məşqdən sonra evə qayıdan futbolçu onlayn oyunlar oynamaq və dincəlmək üçün kompüteri işə salıb. Lakin özünü pis hiss edib. Onun yaxınları dərhal təcili yardım çağırsalar da, idmançını xilas etmək mümkün olmayıb.

Maksim öz mənzilində dünyasını dəyişib. Ölümün ilkin səbəbi kimi ürək fəaliyyətinin dayanması göstərilib.