Uruqvay futbolunda arzuolunmaz hadisə baş verib. “Nasyonal”ın yarımmüdafiəçisi Xuan İskyerdo 27 yaşında dünyasını dəyişib.

Bu barədə Montevideo klubunun mətbuat xidməti məlumat yayıb. Bəxtsiz futbolçu Libertadores Kubokunun 1/8 finalının “San Paulu” ilə avqustun 22-də keçirilən cavab matçının 84-cü dəqiqəsində huşunu itirmiş və xəstəxanaya aparılmışdı. Ürəyində aritmiya olan oyunçunun həyatını xilas etmək mümkün olmayıb.

Qeyd edək ki, Xuan “Nasyonal”a bu ilin əvvəlində gəlmişdi. O, ölkəsinin “Liverpul”, “Montevideo”, “Atletiko San Luis”, “Penyarol” və “Serro” klublarında da çıxış edib. İskyerdonun “Nasyonal” ilə 2022-ci ildə ölkə çempionu olduğunu da xatırladaq.