Martın sonunda start götürən Braziliya çempionatının yeni mövsümünün əvvəli güclü rəqabət ilə daha çox əlamətdar oldu. Artıq A seriyasında 2 tura maksimum nəticə göstərən komanda qalmayıb! Turnir cədvəlində 7 komandanın 4 xalla şərikli liderliyi formalaşıb. Yalnız bir iştirakçının hər iki oyunda uduzduğunu da qeyd edək.

Xatırladaq ki, mövsüm, necə deyərlər, böyük afişa ilə başlamış, startda son çempion “Botafoqo” vitse-çempion “Palmeyras”ın qonağı olmuş, San Pauludakı matç başladığı hesabla sona çatmışdı. Çətin sınaqdan yaxşı çıxan “Botafoqo”nu Libertadores Kubokunda da qələbəyə daşıyan Artur Jorjenin indi “Əl-Rayyan”a (Qətər) başçılıq etdiyini, 53 yaşlı portuqaliyalının yerini həmyerlisi Renato Payva tutduğunu da yada salaq. Rio de janeyrolular 2-ci turun ev oyununda “Juventude”ni iki cavabsız qolla məğlub etdilər.

Ötən mövsüm “Botafoqo”dan 6 xal geri qalan “Palmeyras” ilk turun mərkəzi oyununda itirdiyi 2 xalın əvəzini səfərdə “Sport Resife”dən çıxdı. San paululular iki penaltidən yararlanmaqla 2:1 hesabıyla qalib gəldilər. Abel Ferreyranın komandası həlledici qolu əsas vaxt sona çatandan sonra vurdu.

Son mövsümün bürünc mükafatçısı “Flamenqo” da ilk turda bir xal qazana bilmişdi. “İnternasyonal” ilə 1:1 hesabına razılaşan Filipe Luisin komandası “Vitoriya” üzərində əzmkar qələbə ilə xalını 4-ə çatdırdı. Hesabat turundan sonra daha 4 komandanın - “İnternasyonal”, “Korintians”, “Seara” və “Fortaleza”nın da hesabında bu qədər xal var. Yeni mövsümün hər iki oyununda uduzan yeganə komanda isə “Vitoriya”dı.

2-ci tur
Botafoqo RJ - Juventude 2:0
İqor Jezus, 24. Ponte, 62.

Sport Resife - Palmeyras 1:2
Barletta, 38 – X.Lopes, 33-p. Pikeres, 90+1-p.

Vitoriya - Flamenqo 1:2
Vellinqton Rato, 22 – De Arraskaeta, 62. Bruno Enrike, 87.

İnternasyonal - Kruzeyro 3:1
Alan Patrik, 31. Valensiya, 37. Borre, 77.

Korintians - Vasku da Qama 3:0
Yuri Alberto, 12. Depay, 27. Joao Viktor, 90+1-öz qapısına.

Seara - Qremio 2:0
Pedro Raul, 26-p. M.Arauxo, 90+5-p.

Mirassol - Fortaleza 1:1
Kristian Renato, 90+3 - E.Martines, 15.

Fluminense – Braqantino 2:1
Lima, 35. Martinelli, 90+2 – Pitta, 83.

Atletiko Mineyro - San Paulu 0:0

Santos - Bayya 2:2
Tasiano, 50. Dieqo Pituka, 81 – Erik, 17. Lusiano Juba, 90.

1. İnternasyonal 2 1 1 0 4-1 4
2. Korintians 2 1 1 0 4-1 4
3. Seara 2 1 1 0 4-2 4
4. Fortaleza 2 1 1 0 3-1 4
5. Botafoqo RJ 2 1 1 0 2-0 4
6. Flamenqo 2 1 1 0 3-2 4
7. Palmeyras 2 1 1 0 2-1 4
8. Juventude 2 1 0 1 2-2 3
9. Fluminense 2 1 0 1 2-3 3
10. Qremio 2 1 0 1 2-3 3
11. Vasku da Qama 2 1 0 1 2-4 3
12. Kruzeyro 2 1 0 1 2-4 3
13. Bayya 2 0 2 0 3-3 2
14. San Paulu 2 0 2 0 0-0 2
15. Braqantino 2 0 1 1 3-4 1
16. Santos 2 0 1 1 3-4 1
17. Mirassol 2 0 1 1 2-3 1
18. Sport Resife 2 0 1 1 1-2 1
19. Atletiko Mineyro 2 0 1 1 1-2 1
20. Vitoriya 2 0 0 2 1-4 0

Bombardirlər: Pedro Raul (Seara), Qabriel Talyari (Juventude) - 2.