“Açığı, burda bir neçə məqam var ki, nəzərə alınmalıdı. Prosessual qaydadan danışırıqsa, klub və ya lisenziyalı agent oyunçunun müqavilə müddətinin başa çatmasına 6 ay və daha az vaxt qalanda hazırkı klubunu rəsmi şəkildə məlumatlandırmadan danışıqlar apara bilər. Bildiyimə görə, Sekidikanın müqaviləsinin müddəti bu mövsüm bitir və gələn mövsüm üçün hələ artırılmayıb. Əslində bu, “Sabah”ın ləng hərəkətinin nəticəsidi. Burda günahkar axtarmaq mənasızdı. Bütün dünya klubları belə praktikadan istifadə edir - maraqlandığı oyunçu ilə tanış adam (digər klub rəsmisi, keçmiş komanda yoldaşı, media nümayəndəsi) vasitəsi ilə əlaqə qurur.  “Sabah” da “Neftçi” kimi bu mövsümü boşa verir. Hər iki klub çempionatdakı uğursuzluğun əvəzini ölkə kubokunu qazanmaqla çıxmaq istəyir. Bu açıqlamanı “Sabah”ın vacib oyun ərəfəsində “Neftçi”yə psixoloji təsiri kimi dəyərləndirirəm və bunu normal hesab edirəm. Müharibəni qazanmaq üçün isə bütün vasitələr yaxşıdı”.