AFFA “Sabah”ın məlum bəyanatından sonra hərəkətə keçib.

Belə ki, qurum Masazır təmsilçinin müraciəti əsasında “Neftçi”nin futbolçusu Elvin Camalovla bağlı araşdırmaya başlayıb. Bu barədə “Football-plus.az”a AFFA-nın Mətbuat və İctimaiyyətlə Əlaqələr Departamentinin rəhbəri məlumat verib. Qurum rəsmisi saytımıza açıqlamasında “Sabah”ın rəsmi məktubundan sonraq aidiyyəti komitələr tərəfindən araşdırmaya start verildiyini bildirib.

Xatırladaq ki, “Sabah” Elvinin futbolçularından birini ölkə kubokunun yarımfinal mərhələsinin matçları ərəfəsində manipulyasiya etməkdə suçlayır. “Bayquşlar”ın bu yöndə mövqeyi bəlli olsa da, hələ “Neftçi” və Camalov açıqlama verməyib. Redaksiyamıza daxil olan məlumata görə, klubun hansısa bəyanatla çıxış edib-etməyəcəyi bəlli olmasa da, Elvin gün ərzində açıqlama verəcək.

KƏNAN BAHADIR