Oveçkin Qretskini arxada qoydu
Bütün hokkeysevərlərin həyəcanla gözlədiyi hadisə həftəsonu gerçəkləşdi.
Şənbə günü səhər saatlarında “Çikaqo” ilə oyunda dubl edən Aleksandr Oveçkin müntəzəm çempionatda qol sayına görə Ueyn Qretskiyə məxsus olan rekordu (894) təkrarladı.
Oyunu izləyənlər arasında olan kanadalı əfsanə və MHL-in komissarı Qeri Bettmen “Vaşinqton”un rusiyalı kapitanının 2-ci qolunu ayaqüstə alqışladı. Qretski oyundan sonra paytaxt klubunun paltardəyişmə otağına da baş çəkib, Oveçkini təbrik etdi. O, rekordunun təkrarlanmasına belə reaksiya verdi:
“Hokkey elə budu. Aleks bu oyun, “Vaşinqton”, ölkəsi üçün çox şey edib. Onunla qürur duyuram. Bilirsizmi, Messye, Hou, Lemye və Orr karyerasını bitirəndə biz düşünürdük ki, yaxşı, hokkeyin sabahı necə olacaq? Məhz onda Sidni Krosbi ilə Aleks Oveçkin səhnəyə çıxdı. İndi isə artıq Makdevid, Makkinnon və Mettyus var”.
Qretskinin 1999-cu ildən bəri yaşayan rekordu yeniləndi. “Vaşinqton” səfərdə “Aylendes”ə uduzsa da, kapitan komandasının ilk qolunu vurdu.
Xatırladaq ki, əfsanəvi kanadalı 1994-cü il martın 23-də müntəzəm çempionatda 802-ci qolu vurmaqla snayperlər siyahısında Qordi Hounu arxadan qoymuş, karyerasını bitirdiyi 1999-cu ilin aprelinə qədər daha 92 dəfə fərqlənmişdi.
Yeri gəlmişkən, “Aylenders”in qapısını Oveçkinin həmvətəni İlya Sorokin qorudu. O, Aleksandrın MHL-də məyus etdiyi 183-cü qapıçıdı oldu. Bu da liqanın rekordudu.
Bu arada “Florida” pley-offa vəsiqə qazanan 9-cu komanda oldu. “Panterz” “Kolambus”u darmadağın etməklə xalını 92-yə çatdırdı. “Florida”ya qədər Qərb konfransından “Vinnipeq”, “Dallas”, “Veqas” və “Kolorado”, Şərq konfransından isə “Vaşinqton”, “Toronto”, “Karolina” və “Tampa-Bey” Stenli kuboku uğrunda mübarizə aparmaq hüququ qazanmışdı.
5 aprel
Detroyt – Karolina 5:3 (2:0, 2:2, 1:1)
Vaşinqton – Çikaqo 5:3 (1:1, 1:2, 3:0)
Aylenders – Minnesota 3:1 (0:0, 2:1, 1:0)
Nyu-Cersi – Reyncers 4:0 (0:0, 2:0, 2:0)
Ottava – Florida 3:0 (2:0, 0:0, 1:0)
Dallas – Pittsburq 3:5 (1:1, 1:0, 1:4)
Los-Anceles – Edmonton 3:0 (0:0, 2:0, 1:0)
Vankuver – Anahaym 6:2 (5:1, 0:1, 1:0)
6 aprel
Boston – Karolina 5:1 (2:0, 1:0, 2:1)
Baffalo – Tampa-Bey 3:2 Б (0:0, 1:2, 1:0, 0:0, 1:0)
Monreal – Filadelfiya 3:2 (0:1, 0:0, 3:1)
Sent-Luis – Kolorado 5:4 (2:0, 2:2, 1:2)
Toronto – Kolambus 5:0 (1:0, 1:0, 3:0)
Yuta – Vinnipeq 4:1 (1:0, 2:0, 1:1)
Kalqari – Veqas 2:3 ОТ (0:1, 1:1, 1:0, 0:1)
San-Xose – Sietl 1:5 (1:2, 0:3, 0:0)
Aylenders – Vaşinqton 4:1 (2:0, 1:1, 1:0)
Minnesota – Dallas 3:2 ОТ (0:1, 0:0, 2:1, 1:0)
7 aprel
Ottava – Kolambus 4:0 (2:0, 0:0, 2:0)
Detroyt – Florida 2:1 (0:0, 2:0, 0:1)
Baffalo – Boston 6:3 (0:2, 3:1, 3:0)
Çikaqo – Pittsburq 3:1 (0:0, 1:0, 2:1)
Neşvill – Monreal 1:2 (1:0, 0:2, 0:0)
Vankuver – Veqas 2:3 (1:2, 1:0, 0:1)
Digər xəbərlər
