“Kəpəz” martın 28-də daha bir futbolçu transfer edərək heyətini gücləndirdi. Söhbət Conston Omurvanidən gedir. Maraqlıdı ki, Gəncə təmsilçisi keniyalı futbolçuyla cari mövsümün sonuna qədər müqavilə imzaladı. Bu o demək idi ki, oyunçu cəmi bir dövrə üçün alınıb.

Komanda həmin gündən bəri Misli premyer-liqasının 28 və 29-cu turları çərçivəsində, uyğun olaraq, “Səbail” və “Sabah” ilə qarşılaşsa da, baş məşqçi Azər Bağırov Omurvaniyə nəinki şans verməyib, adını iştirak ərizəsinə belə daxil etməyib.

Bunun səbəbini öyrənmək üçün “Kəpəz”in mətbuat xidmətinin rəhbəri Azad Mustafayevə müraciət etdik. O, “Football-plus.az”a açıqlamasında futbolçunun məşqdə zədələndiyini, bu üzdən daha 2-3 həftə meydandan kənarda qalacağını bildirdi.

KƏNAN BAHADIR