“Hər iki matçı izlədim. Yarımfinal oyunları finaldan da maraqlı olur. “Neftçi” – “Sabah” oyunu “Araz-Naxçıvan” – “Qarabağ” matçına nisbətən daha dinamik keçdi. Kubok oyunları FİFA referilərinə tapşırılmışdı. Hakimlər də oyuna tam hazır idi. “Araz-Naxçıvan” – “Qarabağ” matçında VAR vaxtında hərəkətə keçdi. Birmənalı şəkildə ehtiyatsızlıqdan edilən hərəkətdi. Benzya diqqətli olmalıydı. Qol epizodundan sonra baş məşqçinin intizamsızlığı hiss olundu. Ehtiyat hakimi qınaq obyektinə çevirəcəm. Onun vəzifəsi meydandan kənarda baş verən intizamsızlığı baş hakimə çatdırmaqdı. Qurban Qurbanovun hərəkəti birmənalı qəbul olunmur. Baş məşqçini cəzalandırmaq lazım idi. Bu da ehtiyat hakimin diqqətsizliyindən irəli gəldi. Belə hallara yol vermək olmaz. İkinci matç Əliyar Ağayevin rəhbərlik etdiyi briqadaya tapşırılmışdı. Qaranlıq qalan epizodlar oldu. Təxminən eyni hərəkət “Araz-Naxçıvan” - “Qarabağ” matçında da təkrarlandı. Oyunun sonlarında Coy-Lens Mikelsə qarşı edilmiş hərəkət qayda pozuntusu idi. Bunu birbaşa Əliyar Ağayevin boynuna atardım. Gərək diqqətli olaydı. Tapdalama hərəkəti oldu. Birbaşa rəqibin ayağına təmas oldu. VAR-da olan hakimlərin məsuliyyətsizliyini də qeyd etmək lazım idi. VAR bu epizoda müdaxilə etməliydi. Onlar da mütləq şəkildə cəzasını almalıdı. Belə bir oyunda səhv etmək, cavab oyunu üçün də məsuliyyətsizlik yarada bilər. Bu epizodu çıxmaq şərti ilə Əliyar Ağayevin idarəçiliyində elə bir qüsur olmadı. Cavab görüşləri daha gərgin keçəcək. Təyinat alacaq hakimlər daha diqqətli olmalıdı”.