Ölkə kubokunun ilk yarımfinal oyunları keçirildi. “Araz-Naxçıvan” “Qarabağ”ı 1:0, “Sabah” isə “Neftçi”ni 2:1 hesabı ilə məğlub etdi.

“Football-plus.az” təcrübəli mütəxəssis Aslan Kərimovdan bu oyunları dəyərləndirməsini istədi:
“Neftçi” – “Sabah” matçında qonaqlar mərhələni adlamağa daha yaxındı. “Qarabağ”ın potnsialı daha yüksəkdi. İlk matçda məğlub olsalar da, cavab görüşündə iki-üç top vurmaq iqtidarındadılar. “Neftçi” isə bu mərhələni keçmək üçün həddən artıq çox çalışmalıdı. “Sabah”ın cinah hücumçuları daha iti oynamağı bacarırlar. Hər iki komandanın müdafiəsində problemlərin olduğu açıq-aşkar görünürdü. Qolların olacağı bilinirdi. “Sabah”ın cinah hücumçuları daha fəal oynadıqlarına görə 2 qol vurmağı bacardılar. Cavab oyununda da bu istisna deyil. “Neftçi” nə qədər hücumda oynasa da, müdafiədə boşluqlar verməməlidi.
“Araz-Naxçıvan” – “Qarabağ” matçında qonaqlar topa sahib olsalar da, bu üstünlüyü qola çevirə bilmədilər. İkinci hissədə “Qarabağ” optimal heyətlə meydanda olarkən üstünlüyü göründü. “Araz-Naxçıvan”ın oyunu ilə bağlı da xoş sözlər demək lazımdı. Amma “Qarabağ” bir top fərqini asanlıqla aradan qaldıra bilər. Hər halda, “Araz-Naxçıvan”ın yaxşı əks-hücumları olur. Hələ heç nə bitməyib. Məncə, “Qarabağ” cavab oyununa optimal heyətlə çıxacaq, belədə “Araz-Naxçıvan”ı mübarizədən kənarlaşdırmağı bacaracaq”.