"Qarabağ" ölkə kubokunun yarımfinal mərhələsinin ilk oyunu çərçivəsində "Araz-Naxçıvan"a uduzdu - 0:1.


"Football-plus.az" xəbər verir ki, Ağdam təmsilçisinin baş məşqçisi Qurban Qurbanov oyunsonrası mətbuat konfransında jurnalistlərin suallarını cavabladı.

- Rəqibi qələbə münasibətilə təbrik edirəm. Qalib gəlmək üçün çox döyüşdülər. Səhvlərimiz çox oldu. Cavab oyunu da var. Matçla bağlı çox danışılacaq nəsə yoxdu. Keyfiyyətli oyun olmadı. Kubok oyunları həmişə premyer-liqa matçlarından seçilib. Cavab oyununa hazırlaşmaq üçün xeyli vaxtımız var.

- Avrokuboklarda dəfələrlə hakim ədalətsizliyiylə üzləşsəz də, planşeti sındıracaq qədər sərt reaksiya göstərməmisiz. Belə fikir formalaşır ki, Qurban Qurbanov yerli komandalara uduzmağı bacarmır...
- Yox , dəfələrlə məğlub olmuşuq. Bəzi epizodlarda oyunun daha sürətli olmasını istəyirəm. Amma hakimlər ritmi itirir. Tez-tez fasilələr olur. Əksinə, istəyərəm ki, yerli komandalar "Qarabağ"a qalib gəlsin. Həmin klubların rəhbərlərinin futbola sevgisi artsın.

- Penalti epizodunu necə şərh edə bilərsiz?
- Gördüz də necə şərh etdiyimi. Gözünüzdən qaçmadı (gülür).

KƏNAN BAHADIR