''Hər kəs arzumun Braziliyaya dönərək ''Korintians''da oynamaq olduğunu bilir. Bu artıq bizim üçün bir ailə məsələsinə çevrilib. Qardaşım böyük bir ''Korintians'' fanatı idi və onun sayəsində məndə də bu kluba sevgi yarandı. Qardaşım artıq bizimlə deyil və bu dünyanı tərk edib. Ancaq hər zaman mənimlə birlikdə olduğunu bilirəm. O da peşəkar futbolçu olmağa cəhd etdi. Amma bacarmadı. Ona görə də onun arzusunu reallaşdırmaq və ''Korintians''da oynamaq istəyirəm. Ancaq Braziliyanın digər klublarına da qapılarımı bağlamıram. Mən sadəcə arzumu dilə gətirdim. Bəlkə də bir gün həqiqətən də Braziliyaya qayıdıb ''Korintians'' və ya başqa bir klubun formasını geyərəm''.