PSJ heyətinə braziliyalı futbolçu cəlb edəcək.

"Football-plus.az" xəbər verir ki, “Korintians”ın yarımmüdafiəçisi Qabriel Moskardo tezliklə Fransa klubuna keçəcək.

Tanınmış italiyalı jurnalist Nikolo Skiranın verdiyi məlumata görə, Paris klubu 18 yaşlı futbolçunun transferini 22 milyon avroya həll edib. PSJ-nin tezliklə bu keçidlə bağlı rəsmi açıqlama yayacağı gözlənilir.

Qeyd edək ki, daha əvvəl “Çelsi” Qabriel üçün “Korintians”a 20 milyon avro təklif edib, lakin qarşı tərəf bu təklifi qəbul etməyib. Braziliya klubu futbolçunun satışından azı 25 milyon avro qazanmaq istəyib ki, buna yaxın məbləği PSJ ödəməyə razılaşıb.
Qabriel yetirməsi olduğu “Korintians”ın əsas komandasına bu il cəlb olunub. O, son mövsümdə san paululuların heyətində bütün turnirlərdə 22 oyun keçirib.