''Bu, çox böyük, hətta tarixi bir haqsızlıqdı. Çünki biz meydanda qalib gəlmişik. İndi bizim turnirdən kənarlaşdırılmağımız heç bir məntiqə sığmır. Bu qərar futbol üçün və eləcə də bizi əvəzləyəcək komanda üçün qara ləkədi. Hər birimiz çox məyusuq. Fanatlarımız indidən bu turnirdə iştirak etməyə hazırlaşırdılar. İndi onlara bu qərarı necə izah edəcəklər? Çox qəribə vəziyyətdi. Suallar cavablardan çoxdu. Karyeramda ilk dəfədi, belə bir durumla qarşılaşıram. Bunun arxasında kimlərsə və ya nələrsə, dayanıb. FİFA bu çətin durumu araşdırıb bizə izahat verməlidi. Fanatlarımız soyuqqanlı olsunlar və araşdırmanın bitməsini gözləsinlər. Əslində çox şey deyə bilərəm. Amma indiki məqam üçün deyəcəklərim bu qədərdi. Futbol dünyasını idarə edən bəzi qurumlar çox sərt qərarlar verə bilirlər. Bəzi qərarların futbola heç bir faydası yoxdu. Ümid edirəm ki, FİFA durumu yaxından təqib edir və bir çarə tapacaq. Turnirin startına 2-3 ay qalmış bir klubu kənarlaşdırıb başqasını qəbul etmək düzgün deyil''.