Nəhayət, Xames Rodriges özünə yeni komanda tapıb. Məşhur kolumbiyalı futbolçu Braziliyada qərar tutub.

"Football-plus.az" xəbər verir ki, 32 yaşlı yarımmüdafiəçi A seriyasında çıxış edən “San Paulu” ilə anlaşıb. Eyniadlı klubun mətbuat xidmətinin məlumatına görə, Kolumbiya millisinin oyunçusu ilə müddəti 2025-ci ilin yayına kimi razılaşdırılan müqavilə imzalanıb.

Qeyd edək ki, Xames karyerası ərzində “Enviqado”, “Banfild”, “Portu”, “Monako”, “Real”, “Everton”, “Bavariya” və “Əl-Rayyan”ın formasını geyib. Onun sonuncu klubu “Olimpiakos” olub. Xames Yunanıstan klubundan bu ilin aprel ayında ayrılmışdı. O, ABŞ klublarından təkliflər alsa da, karyerasını MLS-də davam etdirmək istəməyib.