''Keçmişə dair yeganə peşmanlığım odu ki, ''Trabzonspor''dan vaxtında ayrıla bilmədim. ''Mançester Siti''dən gələn təklif çox cəlbedici idi və hətta geri çevrilməyəcək təkliflərdən idi. Rəhbərlikdən məni buraxmalarını xaiş etsəm də, razılıq vermədilər. Keçmişə dönmək imkanım olsaydı, həmin an daha emosional olardım, ağlayardım, hətta yalvarardım. Çünki məhz həmin təklifdən sonra tez-tez zədələnməyə başladım və karyeram yavaş-yavaş gerilədi. Düzdü, uşaqlıq arzumu həyata keçirərək ''Trabzonspor''la titullar, böyük zəfərlər qazandım. Amma təəssüf ki, o fürsət qaçdıqdan sonra işlər mənim üçün dəyişməyə və çətinləşməyə başladı. Çempionşip isə gözlədiyimdən də çətin turnir oldu. Ümumi götürdükdə o turnirdə baş çıxarmaq üçün ilk növbədə fiziki cəhətdən güclü olmalısan. Bəstəboysansa və ya fiziki cəhətdən güclü deyilsənsə, səni əzəcəklər. İkili mübarizələrin futbolun önünə keçdiyi bir turnirdi. Ancaq oyunlar futbolsevərlər üçün maraqlı və templi keçir''.