Çempionşipin 41-ci turu çərçivəsində maraqlı oyun baş tutdu.

Türkiyəli şoumen Acun Ilıcalının sahibi olduğu ''Hall Siti'' türkiyəli mütəxəssis Erol Bulutun çalışdırdığı ''Kardiff Siti''nin qonağı oldu. ''Hall Siti'' səfərdə 3:1 hesabı ilə üstün olaraq uğursuz seriyaya son qoydu.

Belə ki, ''pələnglər'' çempionşipin son 6 turundan 4 heç-heçə, 2 məğlubiyyətlə ayrılmışdılar. Müqavilə ilə ''Liverpul''a məxsus olan, amma karyerasını ''Hall Siti''də davam etdirən 21 yaşlı portuqaliyalı vinger Fabio Karvalyo 2 qol vurmaqla qələbədə mühüm rol oynadı. ''Hall Siti''nin türkiyəli oyunçularından Ozan Tufan ilə Abdülkadir Ömür 76 dəqiqə meydanda qaldı. Bu nəticədən sonra xalını 61-ə yüksəldən ''Hall Siti'' hazırda 9-cu pillədədi. Komanda rəqiblərindən bir oyun az keçirib və pley-offda oynamağa imkan verən 6-cı pillədən 6 xal geridədi. Son 4 turun 3-dən məğlubiyyətlə ayrılan ''Kardiff Siti'' isə 56 xalla 11-ci pillədədi.

ƏLİ