Zəif mövsüm keçirən Acun Ilıcalının sahibi olduğu ''Hall Siti'' ilə bağlı transfer xəbəri yayılıb.

Türkiyəli iş adamı bu komandaya yenə öz həmyerlilərindən birini gətirmək istəyir. Hazırda ''Hall Siti''də Abdülkadir Ömür ilə Doğukan Sinik kimi türkiyəli futbolçular çıxış edir. Ozan Tufan isə mövsümün əvvəlində ''pələnglər''dən ayrılaraq ''Trabzonspor''a yollanmışdı. Türkiyə mətbuatının iddiasına görə, Acun indi də ''Hall Siti''yə ''Mançester Yunayted''in qapıçısı Altay Bayındırı gətirmək istəyir. Artıq danışıqlar prosesinə start verilib.

Türkiyəli qapıçının ''Yunayted''dəki karyerası zatən ürəkaçan deyil. Bu günlərdə manikunianların qışda onunla vidalaşacağı haqda xəbərlər peyda olmuşdu. Son olaraq liqa kubokunda ''Tottenhem''lə oyunda biri birbaşa künc zərbəsindən olmaqla 4 qol buraxan Altay performansı ilə tənqid, hətta lağ obyektinə çevrilmişdi. 24 komandanlı çempionşipdə hazırda 21-ci pillədə qərarlaşan ''Hall Siti''nin yaxşı qapıçıya ehtiyacı var. Acun hələ ki, Altayı 6 aylıq icarəyə götürmək istəyir. Elə ''Yunayted'' özü də sabiq ''Fənərbaxça''lı əlcək sahibini icarəyə verməyin əleyhinə deyil.

ƏLİ