Emin Mahmudovdan yeni xəbər var
Təxminən 10 gün əvvəl Misli premyer-liqasının 25-ci turunun "Kəpəz" - "Neftçi" matçında (1:0) ayağından zədə alan Emin Mahmudovun hələ müalicə aldığını, fərdi məşqlərə belə başlamadığını xəbər vermişdik.
Bu gün təcrübəli futbolçunun durumuyla yenidən maraqlandıq. "Ağ-qaralar"ın mətbuat xidmətinin rəhbəri Asəf Zeynallının "Football-plus.az"a cavabı:
"Emin Mahmudov artıq komandayla birgə məşqlərə qoşulub. Vəziyyəti normaldı".
Xatırladaq ki, bakılıların futbolçusu sözügedən zədə üzündən millimizin Haiti və Belarusa qarşı keçirdiyi beynəlxalq yoldaşlıq oyunlarında iştirak edə bilməyib.
KƏNAN BAHADIR
