Emin Mahmudov yaşıl meydana nə vaxt dönəcək? –“Hələ ki fərdi məşqlərə də başlamamışam”
Uzun müddətdi yaşıl meydandan uzaq düşən Emin Mahmudov hələ də gözə görünmür.
Yığmanın son toplanışında zədələnən 32 yaşlı futbolçu əzələ problemi səbəbindən düşərgəni tərk etmişdi. Noyabrın 14-də baş verən zədədən sonra Mahmudovun bərpa prosesi üçün 7-10 gün vaxt lazım olacağı deyildi. Lakin həmin vaxtdan sonra da nə çempionat, nə də kubok görüşündə Eminin adını iştirak ərizəsində gördük.
Görəsən, sabiq kapitan məşqlərə nə vaxt başlayacaq?
Eminlə əlaqə saxlayıb sağlıq durumu ilə maraqlandıq. O, “Football-plus.az”a açıqlamasında dönüşü ilə bağlı ümid vermədi:
“Hazırda zədə üzündən qoşula bilmirəm. Düzdü, 7-10 gün nəzərdə tutulmuşdu. Amma həkimlər hələ bərpa prosesinin bir qədər çəkəcəyini dedi. Daha ətraflı həkimlər danışa bilər. Mən də öz tərəfimdən danışmaq istəmirəm. Lakin proses hələ ki davam edir. Fərdi məşqlərə başlayacağım vaxt da bilinmir. Hələ ki başlamamışam”.
RÖYANƏ OĞUZ
