Emin haqda mətbuata açıqlanmayan məlumat... - nə baş verir?
Noyabrın 14-də məlum oldu ki, Emin Mahmudov zədələndiyi üçün millimizə Estoniya və İsveçə qarşı matçlarda yardım edə bilməyəcək. Elə həmin gün "Football-plus.az"a açıqlama verən futbolçunun dediklərini xatırlayaq:
"Təxminən 7-10 gündən sonra məşqlərə başlaya biləcəm. Məşq zamanı əzələmdə dartma oldu. Hazırda qayıdıram “Neftçi”yə. Orda bərpa keçəcəm”.
Dekabrın 5-də növbəti dəfə əlaqə saxladığımız oyunçunun cavabını da unutmayaq:
“Hazırda zədə üzündən məşqə qoşula bilmirəm. Düzdü, 7-10 gün nəzərdə tutulmuşdu. Amma həkimlər hələ bərpa prosesinin bir qədər çəkəcəyini dedi. Daha ətraflı həkimlər danışa bilər. Mən də öz tərəfimdən danışmaq istəmirəm. Lakin proses hələ ki davam edir. Fərdi məşqlərə başlayacağım vaxt da bilinmir. Hələ ki başlamamışam”.
Göründüyü kimi, Emin özü də sağlamlığını tam bərpa edəcəyi vaxtdan xəbərdar deyil. Hər halda, o, az qala bir aydı yaşıl meydandan uzaqdadı. Belədə əlavə məlumat əldə etmək məqsədilə "Neftçi"nin mətbuat xidmətinin rəhbəri Asəf Zeynalləyla əlaqə saxladıq. Təəssüf ki, onun da cavabı fərqli olmadı:
"Emin Mahmudovun müalicəsi davam edir. Hələ ki məşqlərdə iştirak etmir. Əlavə bilgi olsa, paylaşacağıq".
Nə baş verir? Bunu yalnız "Neftçi", Emin və Allah bilir!
KƏNAN BAHADIR
Digər xəbərlər
