FİFA-nın sabiq prezidenti Yozef Blatter və UEFA-nın keçmiş rəhbəri Mişel Platini İsveçrə məhkəməsi tərəfindən dələduzluq ittihamı işi üzrə bəraət alıb.
"Football-plus.az" xəbər verir ki, bu barədə X sosial şəbəkəsində jurnalist Rob Harris məlumat yayıb.

2021-ci ilin noyabrında Blatter ilə Platini fırıldaqçılıq, vəsaitlərin mənimsənilməsi, cinayətkar idarəetmə və sənədlərin saxtalaşdırılmasında ittiham olunublar.

Araşdırmaya FİFA büdcəsindən UEFA-ya 2,3 milyon dollar ödənilməsi səbəb olub. Eyni zamanda prokurorluq Blatter və Platininin 1 il 8 ay şərti cəzaya məhkum edilməsini istəyib.

Blatter və Platini hər hansı qanun pozuntusunu rədd edərək məsləhətçi xidmətləri üçün məbləği ödəmək üçün əvvəlcədən razılaşdıqlarını iddia ediblər.