İtaliya çempionatında VAR ilə bağlı yeni qərar qəbul olunub.

''Football-plus.az'' xəbər verir ki, bundan sonra A seriyasının matçlarında VAR tərəfindən incələnən epizodlar stadiondakı nəhəng ekranlarda da nümayiş etdiriləcək.

Turnirin rəsmi saytında yerləşdirilən bəyanatda qeyd olunub ki, bu addım şəffaflığın artırılması üçün nəzərdə tutulub. Bu həftəsonu baş tutacaq 30-cu turun oyunlarından etibarən VAR tərəfindən incələnən epizodlar stadiondakı ekranlarda da nümayiş etdiriləcək və bunun sayəsində tribunada əyləşənlərin də epizodda baş verənlərdən məlumatları olacaq.

Bundan başqa hakim epizodu monitorda izlədikdən sonra qərarı qolundakı mikarafonla bütün stadiona açıqlayacaq. Artıq bəzi ölkələrdə bu praktikadan istifadə olunur. İtaliyada isə bu yenilik ilk öncə çempionat oyunlarında yox, ölkə kubokunun yarımfinal matçlarından etibarən tətbiq olunmağa başlayacaq.

A seriyasının rəsmisi Luici De Siervo verdiyi açıqlamada İtaliya futbolunda VAR-ın çalışma mexanizmini maksimum dərəcədə şəffaf etmək məqsədilə bir sıra yeniliklər gətirdiklərini bildirib.

ƏLİ