"Ən yaxşı performansımızı ortaya qoymağa çalışacağıq" - Haitinin hücumçusu
"Sabah qələbə qazanmaq istəyirik. Bilirik ki, çətin oyun olacaq".
"Football-plus.az" xəbər verir ki, bunu Haiti millisinin hücumçusu Fratsdi Pyero yığmamızla keçiriləcək yoldaşlıq oyunundan öncə mətbuat konfransında deyib.
29 yaşlı futbolçunun fikirləri:
"Azərbaycan millisi çox yaxşı komandadı. Bu matç dünya çempionatının seçmə mərhələsi öncəsi öz vəziyyətimizi dəyərləndirmək üçün yaxşı sınaqdı. Oyunçularımızın əksəriyyəti Avropada çıxış edir. Mən özüm Yunanıstanda oynayıram. Bizim Türkiyədə, Fransada çıxış edən futbolçularımız var. Belə olmasaydı da, bu, bizim üçün bəhanə ola bilməzdi. Ən yaxşı performansımızı ortaya qoymağa çalışacağıq".
Digər xəbərlər
