Çempionlar Liqasında (ÇL) 1/8 finalın cavab oyunlarından sonra həftənin ən yaxşı futbolçusu müəyyənləşib.

Bu ada namizədlərin siyahısına Harri Keyn (Bavariya), Canluici Donnarumma (PSJ), Marko Asensio (Aston Villa) və Əmrə Can (Borussiya D) layiq bilinmişdi. Keyn “Bavariya”nın “Bayer-04”ü 2:0 hesabı ilə məğlub etdiyi matçda bir qol vurmuş və bir məhsuldar ötürmə vermiş, Donnarumma PSJ-nin “Liverpul”a 1:0 hesabıyla qalib gəldiyi matçdan sonrakı penalti seriyasında iki penaltini dəf edərək komandasının 1/4 finala çıxmasında böyük rol oynamış, Asensio “Aston Villa”nın “Brügge”yə 3:0 hesabı ilə qalib gəldiyi oyunda iki qol vurmuş, Can isə “Lill” ilə oyunda bir qol vurmaqla “Borussiya”nın 2:1 hesablı qələbə ilə mərhələ adlamasına kömək etmişdi.

ÇL-də həftənin ən yaxşı futbolçusu adına Donnarumma layiq bilinib. İtaliyalı qapıçı UEFA-nın saytında keçirilən sorğuda 1-ci yeri tutub.