Çempionlar Liqasında (ÇL) pley-off mərhələsinin ilk oyunlarından sonra həftənin ən yaxşı futbolçusu müəyyənləşib.

"Football-plus.az" xəbər verir ki, bu nominasiyada Seru Girassi qalib gəlib.

Dortmund “Borussiya”sının hücumçusu UEFA-nın saytında keçirilən səsvermə nəticəsində qalib adını qazanıb. Seru ən yaxşı oyunçu adına digər namizədləri - Vinisius Junior (Real), Vangelis Pavlidis (Benfika) və İqor Payşaonu (Feyenoord) arxada qoyub. Xatırladaq ki, Girassi “Sportinq”lə matçda (3:0) 1 qol vurmuş və 1 məhsuldar ötürmə vermişdi. Vinisius “Mançester Siti” ilə oyunda (3:2) 1 qolun ötürməsini vermiş, Pavlidis “Monako” (1:0), Payşao isə “Milan”la matçda (1:0) yeganə qolun müəllifi olmuşdu.

ÇL-də həftənin rəmzi komandası da açıqlanıb. Ən yaxşıların heyətinə “Real”, “Borussiya” və “Feyenoord”un iki futbolçusu layiq bilinib:

qapıçı - Canluici Donnarumma (PSJ); müdafiəçilər - Daniel Svensson (Borussiya D), Federiko Qatti (Yuventus), Dayo Upamekano (Bavariya), Civayro Rid (Feyenoord); yarımmüdafiəçilər – Vinisius Junior, Cud Bellingem (hər ikisi “Real”), Vitinya (PSJ), İqor Payşao (Feyenoord); hücumçular - Seru Girassi (Borussiya D), Vangelis Pavlidis (Benfika).