Cavid Hüseynov “Cəbrayıl”a qayıdacaq? – klubun direktoru açıqladı
“Səbail”in Cavid Hüseynovu baş məşqçi postundan istefaya göndərdiyindən xəbərdarsız. Bilindiyi kimi, “dənizçilər”i bundan sonra Elvin Məmmədov çalışdıracaq.
İndi Cavid bəy özünə yeni iş yeri tapmalıdı. Təbii ki, belədə ağla gələn yeganə variant onun yenidən təsisçisi olduğu və baş məşqçisi kimi çalışdığı dövdə 2-ci liqadan 1-ci liqaya yüksəltdiyi “Cəbrayıl” gəlir. Əslində mütəxəssis bu addımı reallaşdırsa, yerinə düşər. Ona görə ki, Qarabağ təmsilçisi 16 xalla 8-ci pillədə qərarlaşıb və sonuncu sıradakı “Qaradağ Lökbatan”dan cəmi iki xal öndədi.
Bəs, Cavid Hüseynovun “Cəbrayıl”a qayıdışı mümkündümü?
Bu sualla məşqçinin özünə müraciət etsək də, zəng və mesajlarımız cavabsız qaldı. Belədə adı çəkilən klubun direktoru Şahin Məmmədova müraciət etdik. Onun “Football-plus.az”a cavabı:
“Cavid mənim həm dostum, həm də qardaşımdı. Aramızda çox yaxşı münasibətlər var. Tez-tez görüşürük, dərdləşirik. Amma işlə bağlı məsələlər fərqlidi. “Səbail”də yaşadıqlarından xəbərdar deyiləm. Birdən-birə nə baş verdiyini bilmirəm. O bəllidi ki, çox çətin durumdadı. İndi Cavidin psixoloji baxımdan istirahətə ehtiyacı var. “Cəbrayıl”ın da durumu yaxşı deyil. Bu üzdən onu bir yükün altından başqa yükün altına atmağın doğru olmadığını düşünürəm”.
KƏNAN BAHADIR
Digər xəbərlər
