Son həftələr haqqında bəhs edilən keçid baş tutub. “Atletiko” “Mançester Siti”nin oyunçusu Xulian Alvaresin transferini rəsmiləşdirib.

Bu barədə Madrid klubunun saytı məlumat yayıb. 24 yaşlı hücumçu ilə 6 illik müqavilə imzalandığı bildirilib. Alvaresin transferi İspaniya klubuna 75 milyon avroya başa gəlib. MS dünya çempionuna görə bonus kimi daha 20 milyon avro qazana bilər.

Xulian bir neçə gün əvvəl lazımi qədər oynamamasından şikayətlənmişdi. Onu qane etməyən fakt start heyətində daimi oynamaması idi. Alvares ötən mövsüm “Siti” ilə bütün turnirlərdə 54 matça çıxıb, 19 qol vurub və 13 məhsuldar ötürmə verib. Cənubi amerikalı İngiltərə klubunda 2022-ci ilin yayından çıxış edirdi. Onun premyer-liqada 67 oyuna 20 qol vurduğunu da xatırladaq.