İngiltərə premyer-liqasında fevralın laureatları müəyyənləşib.

İki nominasiya üzrə qalib adını müxtəlif klubların üzvləri qazanıblar.

Ayın ən yaxşı futbolçusu üçün nəzərdə tutulan mükafata Məhəmməd Salah layiq bilinib. “Liverpul”un hücumçusu fevralda meydana çıxdığı 6 matçda 6 qolun və 4 məhsuldar ötürmənin müəllifi olub. 32 yaşlı misirli futbolçunun premyer-liqanın cari mövsümündə iştirak etdiyi 29 oyunda komandasına 27 qol və 17 assist ilə faydalı olduğunu da bildirək.

Premyer-liqada fevralın ən yaxşı məşqçisi adını isə “Everton”u çalışdıran Devid Moyes qazanıb. Şotland mütəxəssisin komandası ötən ay 5 matça çıxaraq 2 qələbə qazanıb, 3 dəfə isə rəqibləri ilə heç-heçə edib. Moyes sorğuda Oliver Qlasner (Kristal Pelas), Angelos Postekoğlu (Tottenhem), Marko Silva (Fulhem) və Arne Slotu (Liverpul) qabaqlayıb.

Qeyd edək ki, “Everton” turnir cədvəlində 28 oyuna 33 xalla 15-ci yeri tutur.