Dzyuba tarixə düşdü, “Zenit” irqçiliklə qarşılaşdı - İCMAL
Premyer-liqada 20-ci turun oyunları ilə mövsümün üçdəikisi başa çatdı.
Favoritlərdən yalnız “Krasnodar” ümdiləri doğrultdu. Nijni Novqorodda 3 cavabsız qol vuran “öküzlər” 5 oyunluq qələbəsiz seriyaya son qoydular və noyabrın əvvəlindən bəri ilk qələbəni bayram etdilər. “Lokomotiv” isə autsayderlərdən “Axmat” ilə ev oyununda yalnız 1 xalla kifayətləndi. Hər həftə zirvədən daha da uzaqlaşan “Loko”nun qələbəsiz seriyası 5 oyuna yüksəldi.
“Fakel”ə səfərdə iki cavabsız qol vuran çempionluğa digər əsas namizəd “Zenit” də turu itkisiz başa vurdu. Maraqlıdı ki, “Zenit” çempionat çərçivəsində bu rəqibi səfərdə sonuncu dəfə 2001-ci ildə məğlub etmişdi. Düzdü, o vaxtdan bəri komandalar premyer-liqada Voronejdə cəmi iki dəfə qarşılaşmış və hər iki oyunda 1:1-lik bərabərlik qeydə alınmışdı.
Oyun böyük qalmaqalla müşayiət olundu. Belə ki, yerli fanatlar dəfələrlə qonaqların qaradərili oyunçularına qarşı irqçilik etdilər. 74-cü dəqiqədə əsəbləri dözməyən və fanatlara orta barmağını göstərən Vendel VAR-ın işə qarışmasından sonra birbaşa qırmızı vərəqə aldı. “Fakel” isə 37-ci dəqiqədən azlıqda oynayırdı. “Zenit” “Spartak”la oyunöncəsi liderlərindən birini itirdi. ÇSKA “Ximki”nin müqavimətini yalnız son anlarda qıra bildisə, Moskva “Dinamo”su parlaq qələbə sayəsində liderlərin təqibini davam etdirdi.
Turun ən önəmli hadisəsi isə Dzyubanın növbəti qolu ilə ilə bağlıdı. Samara derbisində “Akron”un qələbəsinin əsasını qoyan təcrübəli forvard peşəkar karyerasında 234-cü qolu vurdu. O, bununla da Aleksandr Kerjakovu geridə qoyaraq müstəqil Rusiya futbolu tarixinin ən məhsuldar oyunçusuna çevrildi! “Krasnodar” və “Zenit”dən fərqli “Spartak” ümidlərdi doğrulda bilmədi. Kazanda Albaniya yığmasının forvardı Dakunun dubluna mane ola bilməyən Moskva nəhənginin 7 oyunluq qələbə seriyası qırıldı. Məhz bu qollar “Rubin”ə sürpriz şəkildə 3 xal qazandırdı. Bu görüşdə də hər iki komanda azlıqda qaldı. Bu nəticə ilə zirvədə üçhakimiyyətlilik ikihakimiyyətliliyə çevrildi.
20-ci tur
Fakel – Zenit 0:2
Qondu, 19. Kassyerra, 57.
Zenit: Latışonok, Mantuan (Mimoviç, 70), Nino, Yerakoviç, Santos, Zdelar, Vendel, Qluşenkov (Kasyerra, 46), Enrike (Qorşkov, 86), Mostovoy (Axmetov, 90+4), Qondu (Sobolev, 70).
Nijni Novqorod - Krasnodar 0:3
Çernikov, 9. Batçi, 36. Kordoba, 75.
Krasnodar: Aqkatsev, Qonsales (Petrov, 74), Kayo, Kosta, Olasa, Çernikov, Pina (Qazinski, 88), Batçi (Kobnan, 73), Krivtsov (Kozlov, 59), Sa (Kastanyo, 59), Kordoba.
Rubin - Spartak 2:1
Daku, 7; 27 Barko, 42-p.
Spartak: Maksimenko, Denisov (Litvinov, 78), Duarte, Babiç, Ryabçuk (Solari, 46), Barko, Umyarov, Prutsev (Qarsiya, 46), Bonqonda (Martins, 46), Markinyos (Medina, 84), Uqalde.
ÇSKA - Ximki 1:0
Roşa, 90+3.
ÇSKA: Akinfeyev, Kellven, Diveyev, Roşa, Kruqovoy, Kislyak, Bistroviç (Quarirapa, 82), Oblyakov (Pyaniç, 87), Jemaletdinov (Fayzullayev, 61), Musayev (Alerrandro, 82), Şumanski (Koyta, 61).
Lokomotiv – Axmat 1:1
Batrakov, 16 – Samorodov, 40.
Lokomotiv: Lantratov, Nenaxov, Montes, Fasson, Tiknizyan, Barinov (Qodyaev, 64), Timofeyev (Sarveli, 57), Samoşnikov (Rakov, 57), Batrakov, Pinyaev (Sevikyan, 76), Vorobyov (Süleymanov, 76).
Dinamo M – Dinamo Mh 4:0
Mauhub, 7. Qladışev, 46. Fomin, 65. Balbuena, 84.
Krılya Sovetov – Akron 0:2
Dzyuba, 9. Lonçar, 83.
Orenburq – Rostov 1:2
Mansilla, 28 – Osipenko, 22. Komliçenko, 70.
1. Krasnodar 20 12 7 1 38-13 43
2. Zenit 20 13 4 3 39-12 43
2. Spartak 20 12 4 4 39-16 40
4. Dinamo M 20 11 6 3 42-21 39
5. Lokomotiv 20 11 4 5 35-28 37
6. ÇSKA 20 10 5 5 29-14 35
7. Rostov 20 8 6 6 32-30 30
8. Rubin 20 8 5 7 28-29 29
9. Akron 20 7 4 9 25-36 25
10. Krılya Sovetov 20 5 4 11 20-32 19
11. Nijni Novqorod 20 5 4 11 17-38 19
12. Ximki 20 4 7 9 23-36 19
13. Dinamo Mh 20 3 9 8 12-22 18
14. Axmat 20 3 8 9 19-34 17
15. Fakel 20 2 8 10 11-28 14
16. Orenburq 20 1 5 14 17-37 8
Bombardirlər: Uqalde (Spartak) – 16, Batrakov (Lokomotiv), Daku (Rubin) – 11.
Oyundan sonra
Sergey Semak, “Zenit”in baş məşqçisi:
“Oyun da, nəticə də istədiyimiz kimi oldu. Amma Vendelin qırmızı vərəqəsi ümumi mənzərəni bir qədər korladı. Ümid edirəm ki, tribunada özünü apara bilməyən, başqasını dərisinin rənginə görə məzə obyektinə çevirən, oyunboyu “makaka” sözünü qışqıran insanlara cəza veriləcək. Belə insanları ömürlük stadiondan kənarlaşdırmaq lazımdı. Rəqibin bir futbolçusu da özünü bilərəkdən meymuna bənzədərək qəribə hərəkətlər edirdi. Bu epizodun videosunu da tapıb lazımi yerlərə təqdim edəcəyik. Qəribədi ki, onun hərəkəti hakimin gözündən yayındı. Vendelin əsəbləri dözmədi. Təbii ki, bu hərəkət ona başucalığı gətirmir. Amma nümayişkaranə bir şey etmədi. Kameralar onun hərəkətini tez çəkdi. Amma başqalarının hərəkətləri nədənsə çəkilmədi. Ümid edirəm ki, meymun hərəkətləri edən rəqib futbolçunun nə üçün qovulmadığını bizə izah edəcəklər”.
Deyan Stankoviç,
“Spartak”ın baş məşqçisi: “Oyunçularımı heç nədə günahlandıra bilmərəm. İlk yarım saatda zəif təsir bağışladıq və bu da bizə baha başa gəldi. Hərçənd sonradan vəziyyəti düzəltmək üçün əlimizdən gələni etdik. Futbolda hava toplarında üstün olmadıqda, qayıdan topları götürmədikdə oyunu rəqibin qapısına yıxmaq çətinləşir. İlk 30 dəqiqədə “Rubin” həm bu məqamlarda, həm də aqressivlikdə bizi üstələdi. Amma son 60 dəqiqə üçün komandamla qürur duyuram. Əslində Dakunun oyununu təhlil etmişdik. Amma o, cəsur və inadkar oyunu ilə fərq yarada bildi. İkinci hissədə qapımız önündə heç bir təhlükə yaratmasa da, Daku haqda yalnız xoş sözlər söyləyə bilərəm. Fanatlarımıza gözəl dəstəyə görə təşəkkür edirəm. Söz verirəm ki, növbəti oyunlarda onların ümidlərini doğruldacağıq”.
