“Kəpəz” Misli premyer-liqasının 27-ci turunda “Qarabağ”lə heç-heçə etdi - 0:0.

“Football-plus.az” xəbər verir ki, oyundan sonra meydan sahiblərinin baş məşqçisi Azər Bağırov mətbuat konfransında görüş haqda fikirlərini bildirib.

- Bütün azarkeşlərə təşəkkür edirəm. Bu günkü oyunda 1 xalda bizin üçün qənimətdi. İlk 15 dəqiqədə yaxşı başlamadıq. “Qarabağ”a qarşı oynamaq hər zaman çətindi. Oyunda məğlub olada bilərdik. “Qarabağ”a qarşı oynayanda əks-hücumu seçməlisən.

- Qurban Qurbanov dedi ki, meydana sulayanlar çıxıb gedib. Buna münasibətiniz necədi?
- Mən Qurban müəllimin sözünün qarşısına söz deyə bilmərəm. Doğrudan da həqiqət var.

- Ev oyunlarınızı erkən saatlarda olması işığa qənaət etmək üçündü?
- Bu gün bizdən asılı deyil. Saat 9-da da oyun keçirilsə, oynamağa məcburuq.

- Güclü komandaya qarşı qələbə qazanmaq üçün idman biclikləri var. Bunlar normaldı?
- Məncə, futbolun bir hissəsidi. Rəqibə narahatlıq yaradırsansa, bu müsbət haldı. Biz tərəfdən olmadı. Mən mübarizənin olmasını xoşlamıram. Bu da futbolun bir hissəsidi.

- “Sumqayıt”la matçdan sonra oyunu analiz edəcəyik dediz…
- “Sumqayıt”la oyunda ikinci hissə alınmadı. 3-cü dövrədə 12 xal toplamışıq. Bizim də zəif oyunlarımız olmalıdı. Bu gün həmin o problemlərdə tapılıb.

- Meydançanın sulanmaması sizin oyununuza da təsir etdi?
- Hər iki tərəfi var. “Qarabağ”a daha çox təsir edə bilər. Onların oyunçularının sürəti bizdən daha yüksəkdi.

- Xvalko bu gün ehtiyatda idi. Bunun səbəbi nə idi?
- Onun 3 “sarı”sı var idi. Qorumaq istəyirdik.

ƏSƏD SEYİDOV