“Kəpəz” Misli premyer-liqasının 22-ci turunda səfərdə “Araz-Naxçıvan”la heç-heçə etdi - 0:0.

“Football-plus.az” xəbər verir ki, qonaqların baş məşqçisi Azər Bağırov oyunsonrası mətbuat konfransında fikirlərini bölüşüb:

- Çətin oyun oldu. Xalsız qayıtmaq istəmirdik. Zədəli oyunçumuz var idi. Buna baxmayaraq, rotasiyalarımız etdik. Oyunda məğlub da ola bilərdik. Bizim uşaqlar da bu gün vuruşdular. İlk hissədə fərqlənsəydik, tam başqa cür ola bilərdi. İkinci hissə bizim üçün çətin başaldı. Səfərdə bir xal yaxşı nəticədi.

- Paçunu qorumaq üçün əvəzlədiz?
- Hücumu daha da gücləndirmək istədim. Paçu hücumun axarında olan oyunçu deyil. Sadiqdə irəli açılmaq daha qabarıq görünür

- Urfanla aranızda anlaşılmazlıq oldu?
- Yüngül anlaşmazlıq oldu. Sonra görüşdük və həll etdik.

ƏSƏD SEYİDOV