“Kəpəz” Misli premyer-liqasının 21-ci turunda “Sabah”ı məğlub etdi - 3:2.

“Football-plus.az” nominal meydan sahiblərinin baş məşqçisi Azər Bağırov oyunsonrası fikirlərini təqdim edir.

- Komandanın sona qədər mübarizə aparması məni sevindirir. Geriyə düşməyimizə baxmayaraq, komanda toparlanlb irəliyə atıldı. Mənə elə gəlir ki, problemlərimiz var. İlk dəqiqələrdə həmişə boşluqlarlımız olur. Bir tərəfdən bəlkə də belə yaxşıdı ki, futbolçular özünə gəlir.

- Kənardan oyunu izləmək necə idi?
- Çox çətindi. Senzuradankənar ifadələr işlədirsən. Aşağıda olanda emosiyaları idarə edirsən.

- “Kəpəz" indiyə kimi "Sabah" üzərində qələbə qazanmamışdı. Bunu bilirdiz?
- Oyundan əvvəl bilirdik. Bu qələbə "Kəpəz" azarkeşləri üçün bir hədiyyədi. Doğrudan da, sevindirici haldı.

- "Turan Tovuz" üzərindəki qələbədən sonra "Səbail"ə məğlub olduz. "Sabah"ı məğlub etdikdən sonra yenə komandada eyforiya yaranacağından qorxmursuz?
- “Səbail”lə oyunda biz elə də pis oynamadıq. Bir neçə epizodumuz oldu. Sadəcə, qollarımızı vura bilmədik. Qarşıda 15 tur var. Futbolçularımla danışdım ki, sabah saat 11-də məşqimiz var. Çox çalışmalıyıq.

- Qarşıda "Neftçi" ilə kubok matçı var. Sizin üçün iki turnirdə mübarizə aparmaq çətin deyil?
- Bu il elə də böyük çətinlik çəkmiyəcəyik. Futbolçuların fiziki performansını saxlamaq lazımdı. Bu il yaxşı qrafik cızılıb. Bizdə beşgündənbir oyunlar keçirilir.

ƏSƏD SEYİDOV