Almaniyada yaşayan qürbətçi türkiyəli futbolçular tez-tez Türkiyə Futbol Federasiyası ilə Almaniya Futbol İttifaqının üz-üzə gəlməsinə səbəb olur.

''Football-plus.az'' xəbər verir ki, qarşıdakı dönəmdə bu iki qurum yenə bir futbolçunu öz tərəfinə çəkməyə çalışacaq. Söhbət ''Auqsburq''un yetirməsi olan, böyük gələcək vəd edən və yavaş-yavaş əsas komandada özünü göstərməyə başlayan Mərt Kömürdən gedir.

''Auqsburq'' rəhbərliyi artıq Mərtin istedadının fərqinə vararaq ona 2027-də bitəcək müqaviləni yeniləməyi təklif edib. Almaniyanın ''Bild'' nəşrinin yazdığına inansaq, TFF rəsmiləri bu günlərdə Mərt Kömürün evini ziyarət edərək onun özü və valideynləri ilə söhbət ediblər. Onlar Mərtə Türkiyə yığmasını seçməyi təklif edərək Kənan Yıldızı misal gətiriblər və bu seçimin perspektivlərindən bəhs ediblər. Digər tərəfdən AFİ rəsmiləri də bu futbolçunu əldən vermək istəmirlər. 19 yaşlı futbolçu zatən Almaniyanın U-19 yığmasının üzvüdü. AFİ bu futbolçunu əvvəlcə U21-ə, sonra da əsas yığmaya cəlb etmək istəyir.

Mərt Kömürün həm Almaniya, həm də Türkiyə vətəndaşlığı var. Onun indiki transfer dəyəri 2 milyon avrodu. 2019-dan bu yana ''Auqsburq''un akademiyasında yetişən və əsasən sağ vinger mövqeyində çıxış edən Kömür bu mövsüm əsas komandada 15 rəsmi oyunda iştirak edərək aktivinə 1 qol, 2 məhsuldar ötürmə yazıb.

ƏLİ