Çempionlar Liqasının 1/8 finalında Eyndhovendə keçirilən qarşılaşmada qeyri-adi hesab qeydə alındı.

''Football-plus.az'' xəbər verir ki, ''Arsenal'' səfərdə PSV-ni 7:1 hesabı ilə darmadağın edərək cavab oyununa heç bir intriqa saxlamadı. Özü də London nəhəngi Saka, Haverts, Maetinelli, Jezus kimi əsas hücum oyunçularından məhrum idi. Bundan başqa Niderland çempionu evdəki son 4 ÇL matçında qalib gəlmiş və üstəlik pley-offda ''Yuventus''u mübarizədən kənarlaşdırmışdı. Bütün bunları nəzərə alanda bu cür hesab həqiqətən də inanılmaz görünür.

Matçda bir sıra rekordlar və antirekordlar qeydə alındı. Məsələn, ''Arsenal'' ÇL tarixində səfərdəki pley-off oyununda 7 qol vuran ilk komanda oldu! Bundan başqa indiyə qədər ÇL-də səfərdə 7 qol vuran premyer-liqa təmsilçisi olmamışdı. PSV isə tarixinin ən qara günlərindən birini yaşadı. Təkcə bir faktı vurğulayaq ki, Eyndhoven təmsilçisi doğma meydanda avrokuboklardakı ən böyükhesablı məğlubiyyətlə üzləşdi! XXI əsrdə bu komanda ümumiyyətlə heç bir rəsmi oyunda 6 top fərqi ilə uduzmamışdı.

Ümumilikdə isə 1:7 PSV tarixinin ən acınacaqlı 3-cü məğlubiyyətidi. Komandanın daha öncə 6 top fərqi ili uduzmasına 1958-də erediviziyada ''Qroningen'' (1:7) və 1979-da UEFA kubokunda ''Sent-Etyen''lə (0:6) oyunlarda rast gəlinmişdi. Amma bu oyunların hər ikisi səfərdə keçirilmişdi.

ƏLİ