Trent Aleksander-Arnoldun mövsümün sonunda “Liverpul”u tərk etmək ehtimalı daha da artıb. “Real” ingilis futbolçu ilə şifahi razılıq əldə edib.

“Cadena Ser”in məlumatına görə, 26 yaşlı sağ cinah müdafiəçisi İspaniya klubu ilə 4 illik müqavilə imzalayacaq. Madridlilər artıq bu keçidi başa çatmış hesab edirlər. Xəbərdə Trentin “Liverpul”la müddəti bu mövsümün sonunda başa çatacaq müqaviləsini yeniləməkdən imtina etdiyi də bildirilib. Başqa sözlə, futbolçu “Real”ı xərcə salmayacaq.

Aleksander-Arnold “Liverpul”un yetirməsidi. Əsas komandada 2016-cı ildən çıxış edən futbolçu bu mövsüm komandada 35 matça çıxaraq 3 qol vurub və 7 məhsuldar ötürmə verib.