Teo Ernandes “Milan”ı tərk edəcək.

“Milan”ın kapitanı komandadan mövsümün sonunda ayrılacaq.

“La Gazzetta dello Sport”un xəbərinə görə, fransalı futolçu klubla yeni müqavilə barədə razılığa gələ bilməyib. O, yeni sözləşmədə əvvəlkindən daha yüksək maaş tələb edib. Klub isə onun istədiyi məbləği ödəməyə hazır deyil. Buna görə də müdafiəçi yayda satışa çıxarılacaq.

Teonun “Milan”la müqaviləsinin müddəti 2026-cı ilin iyununa qədərdi.

Fransa millisinin üzvünün qardaşı Lukas Ernandesin çıxış etdiyi PSJ-yə keçəcəyi iddia olunur. İtaliya klubu Teonu 2019-cu ilin yayında “Real”dan transfer edib. O, bu mövsüm “qırmızı-qaralar”ın heyətində 35 rəsmi matçda 4 qol vurub və 5 məhsuldar ötürmə edib.