''Beşiktaş'' fanatlarına iztirab yaşatmaqda davam edir

Cox çətin dönəmdən keçən ''Beşiktaş'' fanatlarına üzüntü yaşamaqda davam edir.

İstanbul nəhəngi Türkiyə çempionatının 17-ci turunda öz meydanında ortabab ''Alanyaspor''u da məğlub edə bilmədi. İlk 7 dəqiqədə vurulan qarşılıqlı qollarla oyun 1:1-lik bərabərliklə yekunlaşdı. ''Beşiktaş'' son 8 turun cəmi 1-də qalib gəlib (3 heç-heçə, 4 məğlubiyyət) və bu müddətdə 24 mümkün xalın yalnız 6-nı toplayıb.

Maraqlıdı ki, komanda mövsümün ilk 8 turunda uduzmamış və 24 xaldan 20-ni (6 qələbə, 2 heç-heçə) toplamışdı. Bundan başqa Sami Uğurlunun ''Beşiktaş''a qarşı məğlubiyyətsiz seriyası davam edir. ''Kasımpaşa''nın başında güclü rəqibə qarşı keçirdiyi ilk 4 çempionat oyununun hamısından qələbə ilə ayrılan bu mütəxəssis bu dəfə ''Alanyaspor''un başında ''Beşiktaş''a uduzmadı. O, Yılmaz Vuraldan (6 oyun, may 1987 - mart 1992) bu yana superliqada ''Beşiktaş''a qarşı ilk 5 oyunda məğlubiyyət acısı yaşamayan birinci məşqçidi.

Onu da bildirək ki, ''Qalatasaray'' turu qələbə ilə tamamlayacağı halda ''Fənərbaxça''dan 8, ''Beşiktaş''dan 18 xal önə keçəcək.

ƏLİ