Oveçkin 32-ci dəfə het-trik etdi, Qretskiyə bir qədər də yaxınlaşdı
Müasir MHL-in ən parlaq simalarından olan Aleksandr Oveçkin xarüqələr yaratmaqdadı.
"Football-plus.az" xəbər verir ki, “Vaşinqton” “Edmonton”u darmadağın etdi. Paytaxt klubunun 39 yaşlı ulduzu bu qələbədə önəmli rol oynadı. Karyerasında 32-ci dəfə het-trik edən Oveçkin bu göstəricidə kanadalı Fil Espozitoya çatdı və MHL tarixində 5-cü pilləyə yüksəldi. Het-triklərin sayına görə rekordçu Ueyn Qretskidi (50). İlk “3-lük”də Mario Lemye (40) ilə Mayk Bossi (39) də yer alıb. 4-cü pillədə isə Brett Hall (33) qərarlaşıb.
Oveçkinin son het-trikini əlamətdar edən başqa məqamlar da var. Belə ki, o, MHL tarixinə üç fərqli onillikdə minimum 200 qol vuran ilk hokkeyçi kimi düşdü. Rusiyalı ulduz bu het-triklə 2020-ci il yanvarın 1-dən bəri vurduğu qolların sayını 200-ə çatdırdı. Oveçkin 2000-ci illərdə 245, 2010-cu illərdə isə 437 dəfə fərqlənib. Ümumiyyətlə, MHL karyerası ərzində vurduğu qolların sayı artıq 882-yə bərabərdi. Oveçkin hazırda Qretskinin məlum rekordunu (894) təkrarlamaq üçün daha 12 qol vurmalıdı.
“Vaşinqton”un baş məşqçisi Spenser Karberi də 39 yaşlı ulduzun çıxışına heyranlığını gizlədə bilməyib:
“Onun bu gün vurduğu qollar çox vacib idi. Siz indi 39 yaşında bütün bunları bacaran hokkeyçi haqda hekayə və ya kitab yaza bilməzsiz. Çox qeyri-adi işlər görür”.
22 fevral
Detroyt – Minnesota 3:4 ОТ (1:0, 1:1, 1:2, 0:1)
Filadelfiya – Edmonton 6:3 (1:2, 4:1, 1:0)
Pittsburq – Vaşinqton 3:8 (1:1, 1:5, 1:2)
23 fevral
Baffalo – Reyncers 8:2 (5:0, 0:2, 3:0)
Florida – Sietl 1:2 (0:1, 1:0, 0:1)
Neşvill – Kolorado 2:1 (0:0, 1:1, 1:0)
Nyu-Cersi – Dallas 2:4 (0:2, 0:0, 2:2)
Boston – Anahaym 2:3 ОТ (0:2, 1:0, 1:0, 0:1)
Kolambus – Çikaqo 5:1 (1:0, 2:1, 2:0)
Ottava – Monreal 2:5 (2:3, 0:2, 0:0)
Sent-Luis – Vinnipeq 3:4 Б (1:1, 0:1, 2:1, 0:0, 0:1)
Toronto – Karolina 6:3 (4:0, 0:0, 2:3)
Los-Anceles – Yuta 5:3 (1:1, 2:1, 2:1)
Veqas – Vankuver 3:1 (0:0, 1:1, 2:0)
Vaşinqton – Edmonton 7:3 (2:1, 3:0, 2:2)
Pittsburq – Reyncers 3:5 (1:1, 0:1, 2:3)
24 fevral
Detroyt – Anahaym 5:4 ОТ (3:1, 1:1, 0:2, 1:0)
Neşvill – Nyu-Cersi 0:5 (0:1, 0:2, 0:2)
Sent-Luis – Kolorado 3:1 (0:1, 3:0, 0:0)
Tampa-Bey – Sietl 4:1 (0:0, 1:0, 3:1)
Çikaqo – Toronto 2:5 (1:0, 1:3, 0:2)
Aylenders – Dallas 3:4 (0:1, 2:3, 1:0)
Kalqari – San-Xose 3:2 (1:1, 1:0, 1:1)
Yuta – Vankuver 2:1 (0:0, 1:1, 1:0)
