“Reyncers”də baş məşqçi dəyişikiyi qaçılmaz olub.

"Football-plus.az" xəbər verir ki, Qlazqo klubu cari mövsümdə bu posta ilk dəfə müdaxilə edib.

Rəhbərlik Filipp Klemanı ölkə çempionatının ev oyununda “Sent Mirren”ə 0:2 hesablı məğlubiyyətdən sonra istefaya göndərib. Şotlandiya klubunun rəsmi saytının məlumatında 50 yaşlı belçikalı mütəxəssisin qeyri-qənaətbəxş nəticələrə görə istefaya göndərildiyi bildirilib.

Kleman “Reyncers”ə 2023-cü ilin oktyabrından rəhbərlik edirdi. O, 2023/24 mövsümündə Şotlandiya Liqa kubokunu qazanmışdı. Komanda hazırda premyer-liqada 27 turundan sonra 56 xalla 2-ci yerdədi. Əzəli rəqib və son çempion “Seltik” isə 69 xalla liderdi.

Artıq Klemanın xələfi məlumdu. Komandanı bundan sonra Berri Ferqyuson çalışdıracaq. Klubun rəsmi saytının məlumatına görə, 47 yaşlı mütəxəssis ilə imzalanan müqavilənin müddəti mövsümün sonuna kimi nəzərdə tutulub. Qeyd edək ki, Ferqyuson futbolçu karyerası ərzində 10 il (1997-2003, 2005-09) “Reyncers”də çıxış edib.