“2-ci dövrənin birinciyə nisbətən çox fərqli keçəcəyi gözlənilən idi. “Araz-Naxçıvan”la sonuncu oynumuz da buna əyani sübutdu. Meydanda çox gərgin mübarizə var idi. Futzalçılarım oyunda üzərinə düşən vəzifələri maksimum yerinə yetirdilər. Oyunun qırılma nöqtəsi hakimin qolumuzu qeydə almaması oldu. Köməkçi hakimlər də nəyə görəsə həmin an susdular. Roman Amadov iki sarı vərəqə ilə cəzalanmalıydısa, cəmi 1 “sarı” göstərildi. Hakimlərin belə templi oyuna hazır olmadıqlarını düşünürəm. Onlar da oyunlara komandalar kimi hazır olmalıydılar.

Hakimlər belə oyunlarda çox diqqətli olmalıdılar və belə epizodlarda qərarlarının məsuliyyətini anlamalıdılar. Nəticə ürəyimizcə olmasa da, qazancımız təcrübə oldu. Belə oyunlardan nəticə çıxarıb, hazırlığa davam edəcəyik. Bizim yanımızda olan azarkeşlərimizə təşəkkür edirəm. Növbəti oyunlarda “Baku Fire”ə sevənləri sevindirməyə çalışacağıq”.