“Geridə qalan mövsüm bizim üçün hər mənada yaxşı keçdi. Yüksək liqada bürünc medalları əldə edərək əvvəlki nəticələrimizə nisbətən daha böyük uğura imza atdıq. Ölkə kubokunda qalib gəlmək bizim üçün çox vacib idi. Bütün matçlarda meydana qələbə əzmi ilə çıxırdıq. Bunun nəticəsidi ki, sona qədər uğurla irəlilədik. Final matçındakı böyük zəfər isə fərqli bir ab-hava bəxş etdi. Mövsüm “Baku Fire” üçün çox məhsuldar oldu. Aşağı liqada mübarizə aparan komandalarımızın da uğurları təqdirəlayiqdi. Hər 3 liqa üzrə əldə olunan nəticələr “Baku Fire”nin bütün üzvlərinin əziyyətinin göstəricisidi. Qarşıdan gələn mövsümdə daha böyük hədəflər uğrunda mübarizə aparmaq istəyirik. Bunun üçün tezliklə hazırlığa başlayacağıq. Hazırda komandalar tətilə buraxılıb. 2023/24 “futzal ili” haqda danışmaq tezdi. Matçların hansı formatda olacağı, iştirak edəcək komandalar və başqa vacib məsələlər hələ məlum deyil. Heyət barədə də düşünürük. Amma indidən nəsə demək doğru olmaz”.