"Mehdi Hüseynzadə"də son durum: kubok matçı baş tutacaq? - FOTOLAR
"Sumqayıt" bu gün ölkə kubokunun 1/4 final mərhələsinin cavab oyunu çərçivəsində "Sabah"ı qəbul edəcək.
Bilindiyi kimi, nəinki oyunun baş tutacağı şəhərdə, həm də ölkə ərazisində bir neçə gündü qısa fasilələrlə qar yağır.
Bəs, bu məqam oyunun keçirilməsinə mane ola bilərmi? Stadionun təmizlənməsiylə bağlı işlərin matçın startına qədər sona çatması mümkündümü?
"Football-plus.az"ın suallarını "Sumqayıt"ın mətbuat xidmətinin rəhbəri Zaur Xudiyev cavabladı:
"Hər şey qaydasındadı. Stadionun qardan təmizlənməsi yönündə işlər başa çatmaq üzrədi. Prosesin 95 faizi geridə qalıb. Oyunun keçirilməsinə şübhə yaradaq heç bir əsas yoxdu. Meydança təmizlənib. İndi ətraf sahələrdə işlər görülür. Ümid edirik ki, qar yağışı başlamaz. Amma hava şəraiti dəyişsə, buna uyğun təcili tədbirlər görüləcək".
Xatırladaq ki, matç saat 19.30-da başlayacaq.
KƏNAN BAHADIR
Digər xəbərlər
