Montella qızının bu futbolçu ilə ailə qurmasını istəyərdi...
Türkiyə yığmasının baş məşqçisi Vinçentso Montella Kənan Yıldız ilə bağlı yeni açıqlama verib.
İtaliyalı çalışdırıcı bir müddət öncə həm ''Yuventus''lu Kənan Yıldız, həm də ''İnter''li Hakan Çalhanoğlu haqda fikirlərini bildirmişdi.
''Football-plus.az'' xəbər verir ki, bu dəfə o, İtaliya mətbuatına 19 yaşlı Yıldızın istedadını və xarakterini tərifləyərək bunları deyib:
''Kənan indi nə qədər çox qol vursa, onun üçün bir o qədər yaxşıdı. Tamamilə həyatını futbola həsr edib. Tək üzü yox, eyni zamanda qəlbi də gözəldi. Üzərində çox çalışır. Mən bir qız atasıyam və gələcəkdə qızımın onun kimi bir şəxslə ailə qurmasını istərdim''.
Maraqlıdı ki, ''Yuventus''un baş məşqçisi Tyaqo Mottaya son turda ''Kalyari'' ilə oyunöncəsi mətbuat konfransında Montellanın bu sözləri xatırladılarkən o, ''bu sözlərlə tamamilə razıyam'' ifadəsini işlədib.
Türkiyə yığmasının da aparıcı üzvlərindən olan Kənan Yıldız bu mövsüm turinlilərin heyətində 36 rəsmi oyunda 6 qol, 6 məhsuldar ötürmə ilə fərqlənib.
ƏLİ
Digər xəbərlər
