“Zirə” Misli premyer-liqasının 24-cü turunda “Kəpəz”i məğlub etdi - 2:0.

“Football-plus.az” meydan sahiblərinin baş məşqçisi Rəşad Sadıqovun oyunsonrası mətbuat konfransından hesabatı təqdim edir.

- Hər iki komandaya təşəkkür edirəm. Dünən gəldilər, amma oyun təxirə salındı. Hər iki komanda əzmkar mübarizə apardı. Bugünkü qələbə bizim üçün önəmli idi. Biz “Zirə” ailəsi ilə birlikdə qələbəni qazandıq. “Kəpəz” son 5 turda bir dəfə məğlub olmuşdu. Buna baxmayaraq, vacib qələbə qazandığımızı düşünürəm. Qarşıda “Araz-Naxçıvan”la kubok və daha sonra “Turan Tovuz”la çempionat oyunumuz var. Qələbəni qeyd etmək üçün çox vaxtımız yoxdu.

- Elə burda “Araz-Naxçıvan”la kubok oyununuz da var. Stadionun bərpa olunması ilə bağlı düşünürsünüz?
- İşçilərin əməyidi ki stadiona yaxşı baxdıq. Yaxşı futbol oynamağa imkan var idi. Meydan çox zədələnməmişdi.

- Filip Paxtmanla yolları niyə ayırdız?
- Biz ona yetərincə şans verdik, daim yanında olduq. Sonda hər iki tərəf qərar verdi ki, ayrılaq. Zədəsi sağalmamışdı.

ƏSƏD SEYİDOV