Misli premyer-liqasında ilk dövrə arxada qaldı. 9-cu turun açılış oyunu Zirədə keçirildi.

Rəşad Sadıqovun komandası evdə “Turan Tovuz”la qarşılaşırdı. Qarşılıqlı hücumlar şəratində keçən oyunda bakılılar 2:1 hesabıyla qələbə qazandı. “Zirə” ilk dövrəni lider kimi bitirdi. Qəsəbə təmsilçisi gözləniləndən daha yaxşı performans sərgiləyərək bu mövqedə qərarlaşmağı bacardı.

Şənbə günü keçirilən ilk oyunda “Qəbələ” “Səbail”i qonaq etdi. Meydan sahibləri daha yaxşı təsir bağışlasa da, “dənizçilər” uzatma dəqiqəsində qələbə topunu vurmaqla iddiasını bir daha ortaya qoydu.

Günün ikinci oyununda “Sabah” “Araz-Naxçıvan”la qarışılaşdı. Qarşılıqlı hücumlar şəraitində keçən matçda tərəflər hərəyə 1 qolla kifayətləndi. Bununla da xalını 14-də çatdıran naxçıvanlılar ilk dövrədə sensasiyaya imza ataraq 4-cü pillədə qərarlaşmağı bacardılar. “Sabah”ın nəticələri isə ürəkaçan deyil. Masazır klubu 9 tur ərzində hesabına 7 xal yazdırıb. Murad Musayevin komandasının bu heyətlə fiasko yaşadığını söyləyə bilərik.
Bazar günü əvvəlcə “Sumqayıt” “Kəpəz”i qəbul etdi. Qələbə qazanan “kimyaçılar” autsayderlərdən bir qədər uzaqlaşmağı bacardı. Samir Abasovun komandasının ehtiyatda 1 oyunu da var. “Kəpəz” isə pis durumdadı. Gəncəlilər 9 turdan sonra hesabına cəmi 5 xal yazıb.
Nəhayət, Azərbaycan derbisi haqda. “Qarabağ”ı “Neftçi”ni məğlub etməklə “Zirə”nin dövrəni vahid lider kimi bitirməsinə imkan vermədi.

Misli premyer-liqası
1-ci dövrə, 9-cu tur
6 oktyabr
Zirə - Turan Tovuz 2:1
7 oktyabr
Qəbələ - Səbail 0:1
Sabah – Araz-Naxçıvan 1:1
8 oktyabr
Sumqayıt – Kəpəz 1:0
Neftçi – Qarabağ 0:2

1. Zirə 9 6 1 2 9-5 19
2. Qarabağ 9 6 1 2 18-6 19
3. Səbail 9 5 2 2 15-11 17
4. Araz-Naxçıvan 9 4 2 3 9-9 14
5. Neftçi 9 3 3 3 7-7 12
6. Turan Tovuz 9 3 2 4 12-11 11
7. Sumqayıt 8 3 2 3 8-10 11
8. Sabah 8 1 4 3 11-12 7
9. Qəbələ 9 2 1 6 6-16 7
10. Kəpəz 9 1 2 6 5-13 5

Bombardirlər: Olavio Juninyo (Qarabağ) – 6. Aleksandr Ramalinqom (Səbail) – 4.
Növbəti turun oyunları:

20 oktyabr, saat 18.30. Turan Tovuz – Qarabağ
20 oktyabr, saat 20.30. Səbail - Neftçi
21 oktyabr, saat 15.00. Kəpəz – Zirə
21 oktyabr, saat 18.00. Sabah – Sumqayıt
22 oktyabr, saat 16.30. Qəbələ - Araz-Naxçıvan

İLKİN SULTANLI